قصه هزليه عن حادث اصطدام الغواصتين الأنجليزيه والفرنسيه
تسلل الزورق المجهز بكاتم صوت(اخترعه مهندس احتياط مصري طبعا)في جنح الظلام
وعلي ظهر الزورق كان هناك شخص اظهر ضوء القمر قسمات وجهه الوسيم بصعوبه والي جواره شابة حسناء ذات شعر اسود فاحم كان يبدو عليهما التوتر
اخذ الرجل ينظر الي ساعته وعقاربها تقترب من الثانية عشره ومع حلول عقارب الساعه عند الثانية عشرة
نظر في وجه فتاته قائلا بحبك يا مني
تنهدت قائله وانا كمان بحبك ياادهم
طب وربنا لو ما كان جسمي متشرح ومتشلفط انا كت أتجوزتك علطو.... قاطعها ادهم في حزم خلاص خلاص انتي حتحكيلي قصة حياتك ورانا عمليه عايزين نخلصها وعلي الفور امتثلت للأمر دون مناقشه
أخرج من جيبه ما قلما بريء المظهر
ثم ضغطه من أعلي مره
ثم مره ثانيه
وثالثه
ورابعه
و ..
هيا البلد دي ما حدش يعمل فيها حاجه بذمه ابدا غمغم في غضب وهو يضغط الزر مرات ومرات قبل ان يدوي صوت هائل أهتزت له جنبات الزورق "أنا بكره اسرائيل أنا بكره اسرائيل وعمايل اسرائيل "
غمغمت مني يعني مالقوش غير شعبولا ما فيش حاجه لأليسا
قاطعها أدهم في حزمه المعتاد
خبراءنا أكدوا ان صوت شعبولا هو الوحيد القادر علي أحداث التأثير المطلوب ثم اضاف في حسم
انهم يعرفون ما يفعلون
وعلي بعد عشرات الأمتار اسفل مياه المحيط دوت صرخات طاقم الغواصه الأنجليزيه وهم يضعون ايديهم علي آذانهم دون جدوي وقد سقط بعضهم مغشيا عليه و قفز أحد أفراد الطاقم اللي غرفة القائد صارخا
“سير” اننا نتعرض لهجوم بذبذبات صوتيه فائقه ألتقطها جهاز السونار رد القائد الذي كان يضع جهاز هدفون علي أذنيه
وات إز زيس أنتا ازاي تدخل كده من غير ما تخبط
وبعدين تعالي هنا دقنك طويله ليه وايه السوالف دي انتا متدور مكتب رد الرجل وهو يكتم غيظه
أحنا بنتعرض لهجوم !!
ويبدوا ان القائد قد فهم أخيرا ما يعنيه الرجل فرد ببرود انجليزي شهير طيب طيب روح انتا دلوقتي وانطلق الرجل وهو يغلق الباب خلفه في عنف منتهزا فرصه عدم سماع القائد لأي صوت
وبمجرد ان اغلق الباب سقط الرجل علي كرسيه
وأخذ يولول بالأنجليزيه طبعا
أنا كان مالي ومال الشغلانه دي !
اول مره تحصلي !
مانا كنت جايب مجموع حلو يدخلني كامبريدج قسم فنون بيوتيفول مستريح
بس انا اللي دخلت عشان اعجب البت سوزي بتاعت تجارة لندن
واخيرا قرر ان يستعيد رباطة جأشه ويستجمع قواه ويخرج لرجاله
و....أنت هناك تحرك الي موقعك هيا, أخذ الرجل ينظر اليه في بلاهه دون ان يتحرك أنتا بتكسر الأوامر طب انا حسجنك - هوا شافني وانا في الأوضه ولا ايه - غمغم القائد في قلق ثم بدا له شيئا آخر الرجل
يبدوا ان الرجل قد فقد السمع يا الهي اي يوم هذا ,
سيدي نحن علي وشك الأصطدام بجسم ما امتقع وجهه وهو يردد في ذهول حسم ما !
وقفز الي قمرة القياده معطيا أومره لطاقم الغواصه
أكسر يمين
قلل السرعه لخمسه عقده
ولا اقولك بلاش عقد خالص
يا مغفل شد الفرام .. وقبل ان يكمل كلمته دوي اصطدام مروع بين الغواصتين اطاح بزورق بطلينا علي السطح 15 مترا علي الأقل قبل ان يستعيد توازنه مره اخري
و هنا تظاهرت مني بأنها فقدت توازنها لتسقط في الماء صارخه ألحقني يا أدهم و في جزء من بضعة أجزاء من جزء من الثانيه قفز أدهم خلفها ليدركها وقد غاصت عشرة أمتار كامله !
حملها بين ذراعيه القويتين وسبح بها عدة كيلومترات الي سطح جزيره نائيه ثم شرع في اجراءات الأنقاذ المعتاده
وبدا له ان يشرع في اجراء تنفس صناعي فربما كانت حالتها حرجه !
وهنا فتحت مني عينيها قائلة جري ايه يا ادهم !
انتا فاكرني من اياهم
أما تكتب عليا الأول !
ولا انتا صدقت الكلمتين اللي انا كنت بقولهم لك علي المركب
انا كنت بتقل عليك بس
ولا انتا عايز تروح للبت جيهان ام شعر اصفر وعنين خضرا
يا راجل دانا سبتك عددين رجعت لقيتك متجوز سونيا ومخلف منها عيل !
خلاص خلاص يا ساتر ما كنتي كويسه اف معاكي سيجاره
بس انتا ما بتدخنش يا أدهم انتا نسيت
غمغم في ضيق طيب طيب خلاص
ثم ارسل بصره بعيدا حيث اصطدمت الغواصتان قائلا عملناها يا مني وانتقمنا لأرواح الشهدا اللي ماتوا في العدوان الثلاثي سنة سته وخمسين
بطل نخع يا أدهم الكلام ده كان من ستين سنه
وماله رد أدهم في حسم مني انتي عارفه ان المصريين مبيسيبوش حقهم مهما طال الزمن !
آآه عارفه عارفه ردت مني بلا حماسه ويبدو ان عدم حماستها استفز شيئا في داخله فأنفجر طب اعمل ايه يا مني هوا انا اللي بكتب
هوا يعني المخابرات المصريه هيا اللي دمرت المافيا
ولا تعرفها فين اصلا
وكل مااعترض الكاتب يهددني انه حيخلي العدد الجاي آخر عدد ليا
دا مره فكرت اعترض علي فكره قالها
كبرني عشر سنين وهددني يزودلي عشرين سنه واطلع معاش مبكر لو الموضوع ده اتكرر تاني !
ولسه لحد دلوقت مش عارف اقنعه يخلي الواد ابني الوحيد اللي طلعت بيه من الدنيا بعد ما اتجوزت سـنـس...أحم سونيا
داوانا فاقد الذاكره طبعاومش في وعيي طبعا يبقي بطل السلسله من بعدي ماهو ماحدش ضامن عمره و أهو بدل ما يجيب حد من بره يكون عنده اجنده كده ولا كده واهو الي تعرفه احسن من اللي متعرفوش ووعدته انه حيسمع الكلام زيي بالظبط ومش حيسأل حتي تلت التلاته كام
مني في ضجر هاه واقتنع
أدهم في زهو طبعا دا ما بيقدرش يرفضلي طلب زي ما انتي عارفه !
وقاللي ماشي بس ندخله في الروايات حبه حبه انتي عارفه ونحبب القراء فيه لأنهم ممكن يزعلوا يعني اكمنه متربي في حواري تل ابيب وكده!
ومن بعيد بدت الغواصتين وقد ظهرتا علي السطح وطاقمهما منهمك في مشاجره استخدمت فيها كافة مصطلحات قاموسي السباب الأنجليزي والفرنسي معا!!
مني في استغراب أيه ده مش دول ال..... قاطعها أدهم وهو يدير وجهها ناحيته في سرعه لأ مش هما وأي حد يسألك المهمه نجحت ولا انتي عايزه تطلعي عليا سمعه
قالها وعاد ليتقمص شخصية البطل
المهم ان احنا عملناها يا مني
عملناها
قالها بصوت عميق وهو يتسائل في قرارة نفسه
تري هل يزداد راتبه هذا الشهر هل ؟ .
ليست هناك تعليقات:
إرسال تعليق